Zyra e prokurorit publik federal në Bruksel të Belgjikës ka kërkuar një dënim me 14 vjet burg kundër një tjetër të dyshuari për trafik droge në megaprocesin “Sky ECC” me 128 të pandehur.
Magjistrati federal vuri në dukje se telefoni personal i shqiptarit Florantin K. kishte bërë thirrje të njëkohshme në të njëjtat vende më shumë se 600 herë si një telefon i pajisur me “Sky ECC” të koduar. I dyshuari mohon të jetë pronar i kësaj pajisjeje.
Në telefon, hetuesit gjetën foto të pirgjeve të parave të gatshme, pako me kokainë dhe biseda me shqiptarin Eridan Munez Guerrero, drejtuesin e dyshuar të trafikut.
Eridan Munez Guerrero i kërkon Florantin K. ndër të tjera t’i “paketojë paratë” dhe t’i sjellë një numërues kartëmonedhash, një makineri që më pas do t’i gjendet në shtëpinë e tij. “Eridan Munez Guerrero furnizon me drogë në sasi të mëdha Florantin K., i cili duhet t’i shesë dhe të raportojë për të ardhurat nga shitja,” përmblodhi prokurori.
Tregtia e drogës kalon kufijtë belg dhe kontaktet bëhen në Itali, Gjermani dhe Zvicër. “Florantin K. nuk është i varur nga Eridan Munez Guerrero, ai ka kontakte të tjera kriminale. Hetuesit kanë llogaritur këto fitime. Kanë arritur gjithsej 4.545.000 euro”, theksoi Prokuroria Publike.
I pandehuri tashmë është dënuar për vepra të ngjashme në Gent, por më pas ka filluar sërish punën. “Kjo tregon mungesën e respektit të tij për drejtësinë. Prandaj, dënimi i tij duhet të jetë mjaftueshëm parandalues,” përfundoi gjyqtari. Ai kërkoi 14 vjet burgim dhe sekuestrimin e 800 mijë eurove, gjë që është “plotësisht e justifikuar” duke pasur parasysh mbi 4 milionë eurot e fituara nga tregtia
and then