Kastrioti vazhdon të konfirmohet si surpriza më e këndshme e këtij sezoni në Superiore. Skuadra krutane ka mundur sot me përmbysje me shifrat 2-1 Egnatian duke u siguruar që nuk do të rrezikojë më për mbijetesën e përveç të tjerave, i afrohet ndjeshëm zonës së Europës, duke qenë tashëm vetëm 3 pikë larg vendit të tretë në renditje.
Skuadra e drejtuar nga Çela, ka bërë një ndeshje në sulm ndaj Egnatias, me të cilën “shkëmbeu” shtyllat në pjesën e parë. Por goli i Pedro Augusto në pjesën e dytë ndryshoi dinamikën e ndeshjes, pasi Kastrioti u hodh në sulm dhe pasi gjeti traversën, ia doli të barazonte me anë të Hasanit. Sulmet e krutanëve nuk u ndalën, teksa ishin miqtë të cilët iu afruan më shumë golit me një penallti të fituar nga Delarzh. Krasniqi u hipnotizua nga Sali i cili mbajti në lojë skuadrën e tij, e cila pak minuta para fundit gjeti golin e përmbysjes kur Levendi devijoi në portën e vet një gjuajtje të Grecës.
Kështu, Kastrioti merr pikë që e afrojnë ndjeshëm me vendin e tretë, ndërsa Egnatia sheh t’i largohet zona e shpëtimit direkt.
KASTRIOTI-EGNATIA 2-1
73′ Hasani, 87′ (ag) Levendi / 60′ Pedro Augusto
MINUTË PAS MINUTE
90’+6′ Mbyllet ndeshja me fitoren 2-1 të Kastriotit.
90’ Jepen 6 minuta shtesë.
87’ GOOOL Kastrioti. Pas një goditje dënimi, topi mbetet në zonë ku Greca gjuan mes lojtarëve të Egnatias, me Levendin i cili devijon i fundit topin në portën e tij duke sjellë përmbysjen për Kastriotin.
84’ Egnatia përgjigjet në anën tjetër me largimin e Delarzh dhe Duranskit, për t’i bërë vend Ademit dhe Maganit.
82’ Zëvendësim i trefishtë te Kastrioti me Nezirin, Zogajn e Onanugën të cilët i lënë vendin në fushë Lukman, S. Selmanit dhe Bashës.
80’ Gabon Krasniqi nga pika e bardhë, me Salin i cili pret gjuajtjen e tij.
78’ Penallti për Egnatian. Delarzh merr një pasim në zonë dhe shmang ndërhyrjen e Didës, por ky i fundit e çbilancon duke e rrëzuar në tokë dhe Jorgji nuk heziton të bëje shenjë nga pika e bardhë pavarësisht protestave të vendasve.
76’ Një aksion i gjatë i Kastriotit finalizohet me një gjuajtje të Ajazit në të djathtë, por ai nuk gjen katërkëndorin.
73’ GOOOL Kastrioti. Harkim nga e djathta i Nezirit që ndalet nga Greca në një dyluftim, Hasani e ka të thjeshtë të dërgojë sferën në rrjetë duke barazuar shifrat.
71’ Rami harkon nga krahu i majtë, sfera përfundon direkt në duart e Pujës.
68’ Imeri i lë vendin Levendit në fushën e lojës për miqtë.
66’ Tronditet traversa e portës së Egnatias. Pas zhvillimit të një goditje dënimi, topi shkon te Selmani i cili gjuan me kokë por godet traversën, me topin që më pas largohet nga mbrojtja.
64’ Zëvendësim i dyfishtë i menjëhershëm te Kastrioti me Ajazin e Okebugu të cilët marrin vendin e Kaina dhe Karakaçit.
60’ GOOOL Egnatia. Insistim i rrogozhinasve në krahun e djathtë me Xhekson i cili pason në qendër për Pedro Auguston. Ky i fundit nuk gabon në zonë duke ndalur topin në rrjetë. Jorgji vendos të shohë pamjet me VAR për të kuptuar nëse topi ka dalë jashtë para se Xhekson të pasonte në qendër. Pas verifikimit, ai konfirmon golin.
53’ Delarzh humb mundësinë e artë për të shënuar golin e avantazhit. Sulmuesi merr një top nga e majta dhe pasi kontrollon, gjuan shpejt, por në mënyrë të pabesueshme fluturon sferën mbi traversë edhe pse pak hapa larg portës.
46’ Nis pjesa e dytë e ndeshjes pa zëvendësime mes skuadrave.
45’+1’ Mbyllet pa gola pjesa e parë.
45’ Jepet 1 minutë shtesë.
43’ Top i gjatë nga e majta për sulmuesit e Kastriotit, sfera ndalet në duart e Pujës.
39’ Pedro Augusto dhe Delarzh bëjnë presing deri te portieri dhe ia dalin të fitojnë topin në sulm, por sugjerimi në qendër për Duranskin nuk është ai i duhuri dhe sfera përfundon përsëri në kontrollin e vendasve.
35’ Sugjerim i mirë i Ymeralilajt në të djathtë, pasimi i tij në qendër ndalet nga mbrojtja e vendasve.
28’ Shtyllë edhe për miqtë! Pedro Augusto bën gjithçka mirë në të djathtë, pason në qendër për Delarzh i cili gjuan por gjen shtyllën, teksa më pas topi kalon pasqyrën e portës dhe përfundon jashtë.
24’ Shtylla shpëton Egnatian! Pas një goditje nga këndi, Greca devijon rrufeshëm por gjen vetëm shtyllën në të djathtë të portierit Puja.
19’ Gjuajtje e fortë e Imerit nga distanca, kontrollon portieri i vendasve.
16’ Tjetër goditje dënimi e rrezikshme e krutanëve, me Didën i cili kthen topin për Selmanin, por Krasniqi është i vëmendshëm dhe largon sferën.
13’ Ndeshje shumë e luftuar në këto minuta me skuadrat që kërkojnë të gjejnë hapësira, por më shumë të përqendruara për të mos gabuar në prapavijë.
6’ Pas një goditje dënimi, topi harkohet te Dida i cili gjuan me kokë, duke kaluar sferën mbi traversë.
1’ Fillon ndeshja në Kamëz.
FORMACIONET ZYRTARE:
KASTRIOTI: Sali, Selmani, Neziri, Dida, Rami, Karakaçi, Onanuga, Hasani, Greca, Zogaj, Kaina.
EGNATIA: Puja, Ymeralilaj, Krasniqi, Allmuça, Krivanjeva, Duranski, Imeri, Delarge, Agbekpornu, Xhekson, Pedro Augusto.
Arena e Lajmit
LEXO EDHE:
EKSKLUZIVE/ Skandal në Kamzë, goditet me grushte sulmuesi i Egnatias
