Pak ditë më parë, Françesko Açerbi u kthye në një nga emrat më të diskutuar te Lacio. Një gafë e tij i dhuroi Milanit një gol në shtesë dhe fitoren 2-1, duke i hequr ndërkohë mundësinë lacialëve që të ngjiteshin në vendin e 5-të në renditjen e Serisë A.
Sot mbrojtësi ka korrigjuar gjithçka me një gol po në minutat e fundit të ndeshjes ndaj Specias, duke ndihmuar skuadrën të fitonte me përmbysje të çmendur me shifrat 4-3.
Specia e Manajt e pa vetën tre herë radhazi në avantazh në këtë sfidë, duke tundur rrjetën e Strakoshës, por në të tre rastet u arrit nga golat e skuadrës së Lacios që nuk u dorëzua edhe pse vazhdonte të shfaqte vështirësi të mëdha. Pikërisht në minutën e 90, kur ndeshja dukej se po shkonte drejt një barazimi, ishte Açerbi ai i cili u shfaq në zonën kundërshtare dhe shënoi golin e fitores 4-3.
Me këtë rezultat Lacio ngjitet në vendin e pestë, ndërsa Specia tani sheh përsëri rrezikun e rënies në Serinë B nëse Salernitana vazhdon serinë e saj të fitoreve.
Specia-Lacio 3-4
9′ Amian, 35′ Agudelo, 56′ Hristov / 33′ (p) Imobile, 54′ (ag) Provedel, 68′ Milinkoviç-Saviç, 90′ Açerbi
Arena e Lajmit
