Kategoria e Parë i ka mbyllur pjesën dërrmuese të verdikteve një javë para fundit të sezonit. Janë përcaktuar 2 skuadrat e ngjitura direkt në Superiore, Bylisi kampion dhe Erzeni.
Janë të qarta edhe katër ekipet që kanë zbritur direkt në Kategorinë e Dytë, që janë Shkumbini, Maliqi, Vora dhe Butrinti. 90 minutat e fundit kanë vlerë për disa ekipe, kryesisht për ata që duan të shmangin zonën “play out” që përkon me vendet 11 dhe 12. Si dhe për skuadrën që do të pozicionohet e gjashta, që është e fundit për katërshen e zonës “play off”.
Sa i përket kësaj zone që synon Superioren, dilema është se vendi i 6-të do t’i takojë Tomorit, që e mban aktualisht apo Burrelit që ka dy pikë më pak se beratasit. Tomori pret Pogradecin që është i përfshirë në ethet e zonës “play out”, ndërsa Burreli luan në transfertë me Maliqin që ka rënë nga kategoria. E zjarrtë është beteja për zonën “play out”.
Duke filluar nga Lushnja e vendit të tetë me 39 pikë, deri te Turbina e vendit të 12-të me 37 pikë, janë në “ethe” në 90 minuta e fundit. Lushnja luan me Shkumbinin që ka rënë; Besëlidhja luan në Shijak me Erzenin që është ngjitur në Superiore; Turbina luan në Sarandë, ndaj një Butrinti të inatosur nga rënia; Pogradeci luan në Berat ndaj Tomorit, që gjithashtu i nevojitet fitorja.
RENDITJA:
Arena e Lajmit
and then