Fotografohet si rrallë herë Rita Ora në momente romantike me partnerin/ Artistja nuk zhgënjën sërish me paraqitjen provokuese

Ata nuk i shmangen kurrë shfaqjes së dashurisë së tyre edhe kur ndodhen në publik.

Rita Ora u shfaq shumë komode me të dashurin e saj Taika Waititi, teksa iu bashkuan disa miqëve për darkë në La Poubelle Bistro në Los Angeles mbrëmjen e djeshme. Këngëtarja dukej shumë magjepsëse teksa kishte zgjedhur të vishte një fustan të zbukuruar me teminat verbuese dhe një dekolte shumë të hapur.

Flokët e saj bjonde me kaçurrela të rregullta i binin në shpinë, ndërsa për grim kishte zgjedhur të bënte një të lehtë që as që vihej re.
Rita më vonë veshi një xhaketë të zezë dhe bizhuteri ari për të kompletuar pamjen e saj. Taika dukej plotësisht i pushtuar nga bukuria e të dashurës së tij mahnitëse, ndërsa qëndronin të përqafuar.

Më pas ai vendosi kokën në prehrin e saj, ndërsa Rita vendosi ëmbëlsisht dorën  në shpinë, ndërsa ajo bisedonte me miqtë e tyre. Regjisori zgjodhi një pamje të rastësishme, pasi kishte veshur një xhaketë pana me disa printe argëtuese dhe kapele sportive blu. Rita u takua me regjisorin fitues të Oskarit në Australi në shkurt të vitit të kaluar, ndërsa ajo po xhironte The Voice Australia.

Së fundmi ajo tha për “The Independent” se do t’i pëlqente të kishte një familje të madhe. Ajo foli gjithashtu edhe për romancën e saj me Taika-n, duke thënë: “Nuk e prisja të gjeja dashurinë në Australi dhe as nuk e kërkoja. Artistja shtoi se është e prirur ta mbajë lidhjen e saj jashtë vëmendjes së publikut dhe ta ‘mbrojë atë’.

“Unë mendoj se duke mbrojtur diçka që ju intereson vërtet, duhet të keni pak ndjenjën e privatësisë. Nuk do ta kisha ditur nëse nuk do të kaloja atë që kam kaluar në të kaluarën”, tha ajo.

Për më tepër, Rita Ora gjatë ditës së sotme ngriti temperaturat në mediat sociale duke u shfaqur në fotot e fundit në Instagram topless. 31 vjeçarja u shfaq me një bluzë gjysmë të tejdukshme me printe me mëngë të gjata. Duke vendosur fokusin te dekolteja e guximshme, ajo kishte vënë një varse ari që shkruante Daddy. Flokët e saj të artë i kishte bërë kaçurrela dhe për të kompletuar look-un e saj, ajo shtoi qerpikë, ton rozë dhe një buzëkuq të lehtë.