Trajneri i Kukësit, Diego Longo, foli pas humbjes 1-2 që skuadra e tij pësoi në shtëpi ndaj Partizanit. Në prononcimin pas ndeshjes për “Gol pas Goli”, italiani shprehu keqardhje për këtë moment të vështirë që skuadra e tij po kalon, teksa ia vuri fajin mungesës së sulmuesve. Ndër të tjera ai u shpreh:
HUMBJA- Gabime që përsëriten. Punojmë gjithë javën me verikalizie dhe në fund pësojmë gola fotokopje. Ky është kualiteti i ekipit. Përballë kishim një ekip të jashtëzakonshëm, si Partizanin me kualitet të jashtëzakonshëm dhe nuk e kuptoj se nuk janë për titull kampion dhe duke rivalizuar me Tiranën.
Në pjesën e dytë provuam shumë, por nuk arrijmë të shënojmë nga 4 metra. Nuk mund të kërkoj më shumë nga lojtarët, ata dhanë maksimumin, ndoshta duhet të ndryshojë ky fat që kemi, nuk shënojmë dot nga 4 metra, edhe tek goli, goditëm në fillim shtyllën, pastaj shënuam.
ZHGËNJIMI NË PJESËN E DYTË TË SEZONIT- Sa i përket punës, nuk mund të bëjmë më shumë, jemi duke punuar shumë, madje edhe më shumë se në pjesën e parë të sezonit. Nuk e di çfarë mund të them, ka probleme që nuk janë aq të qarta. Kur fus sulmues, e kemi parë që fus Markun që është qendërmbrojtës dhe Bahtrin që është mesfushor. Fakti që nuk kam një sulmues, nuk e ndihmon skuadrën që të shënojë. Nuk mund të fus Pero Pejiçin. Shkurtaj erdhi dhe luajti 20 minuta. Puntus mbylli sezonit për shkak dëmtimi, edhe Fejzhao ka munguar 1 muaj. Nuk kemi alternativa në sulm. Edhe tani që u kthyen disa, shkoi ashtu siç shkoi.
Arena e Lajmit
and then