Një grup trafikantësh është goditur nga policia italiane. Mediat e huaja raportojnë se nga ky operacion ka arrestime dhe gjithashtu po zhvillohen edhe kërkime në Holandë, Spanjë dhe Lituani.
Grup i drogës operonte nga Amerika e Jugut, Holanda e Spanja, ndërsa është goditur në Itali.
Ky grup paratë e fituara i ricikilonin në blerje veprash arti në një galeri në Amsterdam.
Pas tre vite hetimesh, autoritetet italiane në koordinimin e Eurojust, mbyllën fazën investigative të një megaoperacioni që zbardhi një trafik ndërkombëtar droge shtirë në disa vende e me përfshirjen dhe të krimit të organizuar shqiptar.
Megaoperacioni ndërkombëtar është ekzekutuar në orët e para të mëngjesit të sotëm duke shkatërruar një organizatë kriminale me aktivitet në trafikun ndërkombëtar të sasive të mëdha lëndësh narkotike e në lidhje të forta bashkëpunimi me trafikantë amerikano jugor, e eksponentë kriminal të nivelit të lartë në disa vende.
Me urdhër të Prokurorisë së Milanos janë ekzekutuar urdhër ndalimin ndaj 31 personave, kontrolli i 50 banesave si dhe sekuestrimi i një galerie arti modern në Amsterdam, ku ky grup kriminal riciklonte paratë e fituara nga narkotrafikut përmes blerjes së veprave të artit si dhe lëshimit të faturave false.
Hetimet e operacionit kanë nisur në shtator të vitit 2019 pas identifikimit të një celule lokale trafikantësh milanezë që i atribuohej dy sipërmarrësve në sektorin e hotelerisë e nga e cila u zbulua emri i një brokeri të rëndësishëm droge në nivel ndërkombëtar e në lidhje të drejtpërdrejta referuese me krimin e organizuar shqiptar, pugliez e atij të pozicionuar në rajonin Campagna.
Arena e Lajmit
and then