Meta takohet me deputetin e Bundestagut: Gjermania partnere e rëndësishme dhe mbështetëse e vazhdueshme e vendit tonë

Në Ditën e Europës, Presidenti i vendit Ilir Meta ka pritur në një takim deputetin e Bundestagut gjerman, Volkmar Klein.

Në një reagim në Facebook, Meta shprehet se gjatë bisedës ata ndanë mendime të vyera mbi shumë çështje, në veçanti për nevojën e përshpejtimit të procesit të integrimit të Shqipërisë në Bashkimin Europian.

Reagimi i plotë:

Kënaqësi të takoja sot, në Ditën e Europës, Kryetarin e Task Forcës për Bashkëpunim Ekonomik dhe Zhvillim të grupit parlamentar CDU/CSU, deputetin e Bundestagut gjerman, z. Volkmar Klein.

Ndamë mendime të vyera mbi shumë çështje, në veçanti për nevojën e përshpejtimit të procesit të integrimit të Shqipërisë në Bashkimin Europian.

Gjermania është partnere shumë e rëndësishme dhe mbështetëse e vazhdueshme në procesin euroatlantik jetik të vendit tonë dhe të Ballkanit Perëndimor, ndaj dhe marrëdhëniet e shkëlqyera, të miqësisë dhe të bashkëpunimit, midis dy vendeve dhe popujve tanë meritojnë të forcohen dhe zgjerohen më tej.