Trajneri i Vllaznisë, Elvis Plori, e kishte projektuar titullar sulmuesin maqedonas, Fahrudin Gjurgjeviç, në ndeshjen ndaj Dinamos, por dje çuditërisht lojtari nuk ka qenë as i grumbulluar me ekipin.
“Panorama Sport” mëson nga burime në klubin shkodran, se pavarësisht faktit që Gjurgjeviç e zhvilloi normalisht seancën e fundit, në orët para ndeshjes ka shfaqur shqetësime.
“Nuk jam në gjendje të luaj, jam pa qejf”, mësohet t’i ketë thënë trajnerit lojtari maqedonas.
Në këto kushte, Plorit i janë prishur planet dhe nuk e ka grumbulluar fare, duke pasur kështu një mungesë krejtësisht të paparashikuar në ditën e ndeshjes, për më tepër që i gatshëm nuk ishte as Liridon Latifi.
Arena e Lajmit