Pep Guardiola duket se e ka lënë menjëherë pas krahëve eliminimin nga Championsi që pësoi nga Reali i Karlo Ançelotit. Tekniku spanjoll duket se ka filluar nga puna për ndërtimin e ekipit për sezonin e ardhshëm, ku një nga objektivat e merkatos është edhe mesfushori i Barcelonës, Frenki De Jong.
Sipas raportimeve nga “Goal”, 51-vjeçari e ka kërkuar personalisht mesfushorin holandez për ta aktivizuar së bashku në mesfushë me De Bryjne dhe Rodrin.
Kryesia e Sitit do të ishte e gatshme t’ia plotësonte këtë dëshirë trajnerit duke i ofruar Barcelonës 100 milionë euro për kartonin e lojtarit.
Mbetet për t’u parë nëse klubi katalanas do të dorëzohet përpara kësaj oferte të majme dhe do të lejojë largimin e De Jong drejt Anglisë.
Arena e Lajmit
and then