Të jesh tifoz apo dashamirës futbolli në Shqipëri është shumë e vështirë.
Thuhet kështu pasi asnjëherë nuk mund të bësh plane të sakta për të ndjekur ndeshjet, pasi axhenda e tyre ndryshon disa herë gjatë javës.
E njëjta gjë ka ndodhur edhe me pragjavën e 33- të në Kategorinë Superiore.
Derbi i kryeqytetit, Partizani-Tirana, përveçse u spostua në Elbasan, FSHF-ja i ndryshoi edhe orarin.
Fillimisht ishte programuar që derbi të luhej në orën 19:45, por më pas u afrua me një orë, 18:45.
Përveçse java me pesë takime është copëtuar në tri ditë, papritur ka ardhur edhe ndryshimi i stadiumit për ndeshjen Dinamo-Skënderbeu.
Ky takim ishte planifikuar të luhej të hënën në Elbasan, por është spostuar në Kamzë.
Ndryshimet që ndodhin rëndom me axhendën e kampionatit është pasqyra e vërtetë organizative e futbollit shqiptar.
Arena e Lajmit
