Tërbuni ka arritur të marrë një tre pikësh të çmuar duke fituar me rezultatin 2-0 në shtëpi ndaj Korabit, në ndeshjen e fundit të sezonit të rregullt të Kategorisë së Parë.
Ajo që ra më shumë në sy në këtë sfidë ishte goli i parë i takimit, ku Armaldo Mezini realizoi një “perlë” të vërtetë nga distanca ku topi përfundoi drejt e në trekëndësh.
Një super realizim që me shumë mundësi mund të rezultojë edhe si goli i sezonit në Kategorinë e Parë.
Për 27-vjeçarin, Mezini ky ishte goli i tretë i shënuar për këtë sezon në 28 ndeshje ku ka dhënë dhe tre asist për shokët e skuadrës.
Një fakt interesant është se të 3-ja golat, mesfushori i ka shënuar të gjitha nga distanca e largët.
Si Korabi po ashtu edhe Tërbuni e mbyllën këtë sezon të rregullt në zonën “Play-Off”, respektivisht në vendet 3 dhe 5 dhe janë në lojë për të luajtur shansin e tyre për t’iu bashkuar Kategorisë Superiore.
– Arena e Lajmit
and then