Kryetari i Unionit mbarëkombëtar të integrimit të të burgosurve e të përndjekurve politikë të Shqipërisë, Besim Ndregjoni, shprehu shqetësimin për shfaqjen e nxënësve të shkollës në Cërrik me shall të kuq pioneri, simbol i qartë i diktaturës komuniste siç tha ai.
Ndregjoni i bëri thirrje kryeministrit Rama e ministres Kushi të distancohen nga ngjarja dhe të shkarkojnë kryebashkiakun e drejtorin e shkollës në Cërrik, që lejuan përdorimin e këtyre simboleve.
“Në Cërrik shfaqen simbole të komunizmit, nxënësit u detyruan të mbajnë shall pioneri. Veprimtaria shfaq urrejtje, aspak paqe, Rama të distancohet nga manifestimet ideologjike. Të shkarkohet kryebashkiaku i Cërrikut. Kushi të kërkojë falje e të shkarkojë drejtorin e shkollës” u shpreh kryetari i Unionit të ish-të përndjekurve.
(BalkanWeb)
and then