Presidenti i ri/ Gjata: T’i ulemi në gjunjë Ramës, nuk është opozitë kjo! Alibeaj s’ka asnjë firmë, është i shkarkuar

Në emisionin “Open” në News24 Çlirim Gjata, foli për emrat e propozuar nga kreu i Grupit Parlamentar të PD Enkelejd Alibeaj, për Presidentin e ri.

Gjatë bisedës në studio, Gjata u tregua i prerë, ndërsa u shpreh Alibeaj është i shkarkuar dhe se nuk ka asnjë votë, asnjë firmë dhe asnjë vendim.

“Alibeaj është shkarkuar, dhe nuk ka një mbledhje të Grupit Parlamentar. Fakti që është një pjesë e konsiderueshme që nuk marrin pjesë tregon që kjo procedurë e filluar personalisht nga Alibeaj duhet ndërprerë. Po ashtu Alibeaj nuk asnjë votë, asnjë vendim dhe asnjë firmë, nuk ka firmos askush. Alibeaj e di shumë mirë që Rama ka mashtruar me marrëveshjen përse shkon tani atje? Kjo sepse ka faktorë të tjerë? Tani t’i ulemi në gjunjë Ramës dhe t’i puthim gjithçka, nuk është opozitë kjo.”, tha më tej Gjata, duke shtuar: Nuk ka propozim nga opozita. PD nuk ka lidhje me emrat, nuk i ka propozuar. Nuk ka pjesëmarrje në negociata, është personale e Alibeajt”, tha ai.

Nga ana e tij Artur Zheji tha se emrat e propozuar janë emra dinjitozë.

“Mendoj që kanë dhënë një listë dinjitoze. Alibeaj mund të ketë logjikën se Ramës do t’ja zbërthejë alibinë në parlament. Por nga ana tjetër jam dakord që 71 votat zgjedhin presidentin, pra shoh një udhëkryq të interpretueshëm” , tha Zheji.

Arena e Lajmit