Tifozët e Fejnord janë të dëshpëruar për të gjetur një biletë për finalen e Ligës së Konferencës që do të zhvillohet në Tiranë më 25 maj. Biletat u shitën me shpejtësi skëterrë dhe shumë mbështetës të ekipit holandez nuk do të mund të jenë të pranishëm në sfidën kundër Romës në “Air Albania”.
Ndaj ata po kërkojnë të gjejnë të tilla në çdo mënyrë dhe një tifozi i ka shkuar ndër mend që të kërkojë te një shqiptare e njohur, Dua Lipa.
Ai e ka postuar edhe në rrjete sociale kërkesën e tij të veçantë drejtuar këngëtares nëpërmjet një mesazhi në Instagram.
“Hej bukuroshe, a mund të më gjesh bileta për finalen e Ligës së Konferencës”, ishte kërkesa që tifozi i ka bërë këngëtares, duke provuar në këtë mënyrë fatin.
Arena e Lajmit
