Gara për kryetar të PD, Ibsen Elezi: Të shtyhen zgjedhjet, kam zbuluar shkelje të rënda

Ibsen Elezi

Kandidati për kryetar të PD, Ibsen Elezi në një konferencë për mediat deklaroi se ka vënë re një sërë shkeljesh statutore dhe ligjore në procesin për zgjedhjen e kryetarit.

Ai ka kërkuar shtyrjen e zgjedhjeve të cilët pritet të mbahen në datën 22 maj për të zgjedhur kryedemokratin e ri.

Elezi theksoi se në PD nuk po zbatohen elementët e primares dhe elementët e debatit.

“I jam drejtuar komisionit me një kërkesë që ka të bëjë me shtyrjen e datës për zgjedhjet e kryetarit. Vendosa të konkurroj në pozicionin e kryetarit të PDSH. Pas regjistrimit tim si kandidat po konstatoj një sërë shkeljesh statutore dhe ligjore. Asnjë nga elementët e primares dhe debatit nuk po zbatohet në këtë proces. Gjithashtu ka pasur edhe defekte të rënda me listat, kjo e pohuar edhe nga komisioni elektoral. Procesi zgjedhor po kryhet në kundërshtim me statutin e PD. Është konstatuar nga ana ime që nuk është ngritur komisioni i Apelimit. Ky komision është i vetmi organ që garanton mbarëvajtjen e procesit sipas normave statutore. Mosmarrja e kësaj kërkese, moskthimi përgjigje dhe mos organizimi i një mbledhje është një shkelje statutore dhe shkelje e veprimtarisë”, tha Elezi.

Arena e Lajmit

Gara për kryetar të PD, Ibsen Elezi: Të shtyhen zgjedhjet, kam zbuluar shkelje të rënda

Ju mund të regjistroheni në buletinin tonë të lajmeve plotësisht falas

Mos e humbisni mundësinë për t'u informuar për lajmet më të fundit dhe eksluzive, filloni tani abonimin tuaj falas me e-mail.

Welcome

Instalo aplikacionin tonë
×
Na ndiqni

Na ndiq në Facebook