Beyonce padyshim është një ikonë në industrinë botërore muzikore.
Janë bërë plotë 6 vite nga publikimi i albumit të fundit të këngëtares. Së fundmi po qarkullojnë zëra se Beyonce po përgatitet të publikojë albumin e saj të shtatë dhe fansat vështirë se mund ta përmbajnë emocionin e tyre.
Zhurma e këtij lajmi filloi filloi dy ditë më parë kur fansat vunë re se Beyonce fshiu llogaritë e saj në rrjetet sociale, gjë që i bindi ndjekësit se ajo po përgatitet të publikojë muzikë të re.
Beyonce nuk ka publikuar një album solo që nga Limonade e 2016-ës, kështu që fansat e saj besnikë me siguri mezi po e presin këtë projekt të ri të saj.
Këto “thashetheme” kanë arritur edhe në veshin e autores së hitit “Halo”, e cila ka zgjedhur të përgjigjet me veprime. Fituesja e Grammy-t shtoi një faqe të re në uebsajtin e saj në të cilën ajo shkroi:
“Ne e thyem internetin. Provo përsëri.”
Nga ana tjetër edhe Tidal, shërbimi i transmetimit të muzikës që Beyonce ka përdorur në të kaluarën, komentoi thashethemet të premten.
“Nuk mund të konfirmoj apo mohoj asgjë,” -shkroi kompania në Twitter.