Hoakin Korrea nuk po tregon atë që pritej te zikaltrit dhe Interi ka dyshime për të ardhmen e tij. Për këtë siç raporton argjentinasja “TNT Sports”, në shtëpinë e italianëve ka lindur ideja e shkëmbimit të tij me një tjetër bashkëkombës: Rodrigo de Pol.
Mesfushori i Atletiko Madridit u pëlqen drejtuesve zikaltër dhe prej kohësh po monitorohet për të qenë ai alternativa e Brozoviçit, që me një eksperiencë në të shkuarën tek Udineze, e njeh mirë dinamikën e kampionatit italian.
Shkëmbimi mes tyre do të shkonte në favor të Interit që do të plotësonte objektivin e merkatos pa dëmtuar arkat, edhe pse spanjollët për momentin kanë ndaluar largimin e De Polit.
Arena e Lajmit