Charlize Theron është një ndër aktoret më të njohura të Hollywood-it.
Theron përpos karrierës së saj të suksesshme, bien në sy edhe për pamjen e saj, duke u konsideruar një ndër femrat më të bukura në këtë industri.
46-vjeçarja që në fillimet e saj mbahet mend si biondja seksi. Ajo nuk ka eksperimentuar pothuajse asnjëherë me lukun e saj. Mirëpo së fundmi karriera e saj si aktore e “ka detyruar” të bëjë veprimin e papritur. Ajo si rrallëherë ka lyer flokët e saj të zeza duke ndryshuar tërësisht paraqitje.
Kjo është vënë re nga pjesëmarrja e saj e fundit në një event në Los Angeles, me motiv bamirësinë. Me këtë dalje të saj Charlize tregoi edhe njëherë që gjërat e thjeshta janë ato më të bukurat.
Aktorja kishte zgjedhur të vishte një këmishë të bardhë të myllur, me mëngë të gjatë dhe një palë xhinse të stilit kauboy të gjera nga fundi.Veshjen e kishte kompletuar me disa aksesorë argjendi.
Flokët e saj të shkurtër, tashmë të zinj morën vëmendjen kryesore. Ku fituesja e çmimit Oskar kishte zgjedhur t’i stilonte shumë thjeshtë duke i kapur pak mbrapa.
