Liam Payne është rikthyer me ish-të dashurën Danielle Peazer – nëntë vjet pas ndarjes së tyre.
Ish-anëtari i One Direction, 28 vjeç, u fotografua duke dalë nga ‘Nobu Hotel’ në Londër në orën 3 të mëngjesit me ish-balerinin e ‘X Factor’, 35 vjeç. Liam, i cili mori pjesë në festën e ‘Soccer Aid’ pas ndeshjes ndezi spekulime se dyshja mund të riktheheshin pasi ishin ulur së bashku në sediljen e pasme të makinës së tij.
Një burim tha për ‘Daily Mail’: “Liam ka pasur gjithmonë ndjenja për Danielle dhe u mërzit kur u ndanë vite më parë.” Fotot vijnë vetëm tre javë pasi Liam u pa me modelen amerikane Aliana Mawla në aeroportin Heathrow të Londrës. Romanca e tij e shkurtër me Alianën konfirmoi fundin e fejesës së tij me të fejuarën Maya Henry.
Danielle dhe Liam u ndanë në vitin 2012 pas një romance dyvjeçare – katër vjet para se të lidhej me Cheryl, 38 vjeç, e cila është nëna e djalit të tij, Bear, 5 vjeç. Dyshja thuhet se i kushtuan kohë lidhjes së tyre pasi u përpoqën t’i bënin gjërat të funksiononin në distanca të gjata ndërsa Liam bënte turne me One Direction në kulmin e famës së tyre.
Gjatë një interviste në tetor 2012, Liam pranoi se ishte shkatërruar nga ndarja e tyre. Ai tha: “Jam shumë i shkatërruar nga ndarja me Danielle. Kemi kaluar një kohë të mrekullueshme së bashku, por për fat të keq ndonjëherë gjërat nuk shkojnë siç është planifikuar.”
Në vitin 2016, pasi Liam doli publikisht me Cheryl, Danielle tha se e dinte që ish-i i saj kishte një fiksim për të takuar gra më të mëdha se ai. Ajo tha: “Unë jam pesë vjet më e madhe se ai, kështu që e di se ai ndoshta ka një pëlqim për vajzat më të mëdha në moshë.”
and then