I dha të drejtë Johnny Depp në gjyqin kundër Amber Heard, flet për herë të parë antari i jurisë: Nuk i besuam lotët e krokodilit! Historia e saj nuk…

Një nga antarët e jursë në gjyqin e Johnny Depp kundër Amber Heard zbuloi se ai dhe panelistët e tjerë nuk e panë të besueshme dëshminë e aktores, madje i cilëson shpërthimet e saj emocionale si “lot krokodili”.

Një nga pesë panelistët meshkuj në jurinë prej shtatë personash, tha se historia e Heard “nuk u bashkua”, raportoi “Good Morning America” .

“Të qarat, shprehjet e fytyrës që ajo kishte, shikimi i ngulur në jurinë. Të gjithë ne nuk e pamë të këndshme,” tha juristi, i cili foli në mënyrë anonime, për gazetën.

“Ajo i përgjigjej një pyetjeje dhe qante dhe dy sekonda më vonë bëhej e ftohtë… disa prej nesh përdornin shprehjen ‘lot krokodili’.” 

Anëtari i jurisë, i cili nuk preferoi të identifikohej me emër, tha se Depp ishte i qetë gjatë gjithë dëshmisë së tij disa orëshe , gjë që i dha besueshmëri pretendimeve të tij.

“Shumë nga juria menduan se ajo që ai po thoshte, në fund të ditës, ishte më e besueshme… ai thjesht dukej pak më real për sa i përket mënyrës se si po u përgjigjej pyetjeve. Gjendja e tij emocionale ishte shumë e qëndrueshme gjatë gjithë kohës. Shumica e jurisë menduan se ajo ishte më shumë agresive,” kujton ai.

Sipas tij një moment vendimtar në gjyq erdhi kur avokati i Depp zbuloi se Heard nuk kishte dhuruar paratë e saj të divorcit prej 7 milionë dollarësh, pavarësisht se publikisht pohoi se paratë do t’i jepeshin një bamirësie .

“Ajo shkon në një talk shoë në MB. Në video shfaqet ajo e ulur aty duke i thënë prezantuesit se i dha të gjitha ato para. Dhe termat që ajo përdori në atë videoklip ishin ‘E dhashë’, ‘E dhurova’, ‘Iku’. Por fakti është se ajo nuk dha shumë ose më mirë fare,” tha juristi.

Panelisti gjithashtu kundërshtoi pretendimet nga avokatët e Heard se çështja ishte një gjyq nga mediat sociale dhe anëtarët e jurisë ishin joshur nga fama e Depp. Ai tha se në fund të fundit, të dy dukej se e kishin gabim .

“Ne ndoqëm provat … unë dhe të paktën dy anëtarë të tjerë të jurisë nuk përdorim Twitter ose Facebook,” pohoi ai.

“Ajo që unë mendoj se është e vërtetë … ishte se ata të dy ishin abuzues me njëri-tjetrin … Unë nuk mendoj se kjo e bën asnjërin prej tyre të drejtë apo të gabuar … por për t’u ngritur në nivelin e asaj që ajo pretendonte, nuk kishte mjaftueshëm ose ndonjë provë që vërtetonte atë që ajo po thoshte.” 

Pas 13 orësh diskutimi, juria vendosi njëzëri se Heard ka shpifur për Depp , në shkrimin e saj të Washington Post ku e quajti veten viktimë të dhunës në familje.