Tristan Thompson ishte protagonist në videoklipin e fundit të Drake , duke ndihmuar reperin të ‘martohet’ me 23 gra në “Falling Back”.
Basketbollisti profesionist shfaqet si miku më i mirë i Drake në videon nëntë minutëshe, e cila u publikua të premten me albumin e shtatë të befasishëm të fituesit të Grammy , “Honestly, Nevermind”.
“Je gati?”– e pyet 31- vjeçari.
Kur Drake, 35 vjeç, pohon se është, basketbollisti i thotë: “Nëse nuk ndihesh mirë e lejmë, shkojmë në shtëpi dhe e mbyllim”
Por artisti i “Degrassi” përgjigjet: “Jam mirë, vëlla. Është një kohë e mirë për mua. Unë jam gati. Jam i dashuruar.”
Thompson ndihmon Drake të rregullojë papionin dhe mjekrën e tij, duke thënë se ai është “i lumtur” për të dhe duhet ta bëjë gjënë e duhur pasi ai “do të martohet vetëm një herë”.
Publikimi i videos muzikore – dhe shfaqja e lojtarit të Chicago Bulls – vjen veçanërisht një ditë pas skandalit të mashtrimit të Thompson në dhjetor 2021 të luajtur në “The Kardashians”.
Khloé Kardashian i quajti veprimet e të dashurit të saj “të neveritshme” në episodin e së enjtes, pasi zbuloi se ai priste një fëmijë nga modelja Maralee Nichols.
Në atë kohë Tristian i kërkoi falje Khloes në janar pasi konfirmoi atësinë e tij .
“Ti nuk e meriton dhimbjen dhe poshtërimin që të kam shkaktuar”, i tha ai ish-it të saj në atë kohë. “Ti nuk e meriton mënyrën sesi të kam trajtuar përgjatë këtyre viteve”.
Ylli i NBA më parë e tradhtoi bashkëthemeluesen e ‘Good American’ në vitin 2018 , ndërsa ajo ishte shtatzënë me vajzën e tyre tani 4-vjeçare, True, dhe përsëri në 2019 me shoqen më të mirë të Kylie Jenner, Jordyn Woods.
and then