Samir Handanoviç ende nuk i ka dhënë një përgjigje Interit për rinovimin e kontratës.
Sipas asaj që raporton “CalcioMercato.com”, lideri i zikaltërve nuk i ka dhënë ende një përgjigje përfundimtare drejtuesve për ofertën e kryer për të ku paga e tij prej 3,4 milionë eurosh do të ulej me 30%.
Por çështja ekonomike nuk është problem për kapitenin e Interit, por roli në skuadër, ku me ardhjen e portierit kamerunas, Andre Onana, Handanoviç automatikisht do të bëhej portieri i dytë i zikaltërve nga sezoni i ardhshëm.
Pas përfundimit të kampionatit do të ketë një takim mes palëve, por në rast se nuk gjendet gjuha e përbashkët, atëherë sfida ndaj Sampdorias të dielën në orën 18:00, në stadiumin “Giuseppe Meazza”, e cila mund të jetë dhe dita që Interi do të shpallet kampion i Italisë në rast se Milani bën një hap fals ndaj Sasuolos, mund të jetë dita e lamtumirës së Handanoviç me Interin, i cili zbarkoi në vitin 2012 në Milano, duke u aktivizuar prej 10 vitesh si titullar i padiskutueshëm.
Aktualisht gjatë këtij sezoni me fanellën zikaltër në Serinë A, gardiani 37-vjeçar slloven, është aktivizuar në total në 36 ndeshje.
– Arena e Lajmit
Loading…