Mançester Junajtid ka rekordin më negativ të raportit të pikëve të fituara për miliona të shpenzuara këtë sezon në Premier Ligë. Ata paguan çmime të kripura për transferimin e Sanços, Varanit, por edhe Ronaldos në merkaton e verës, duke e dërguar në total investimin në rreth 126 milionë paund.
Por milionat e hedhura në merkato nuk u justifikuan me rezultatet në fushë në kampionat. Për çdo pikë të fituar deri në javën e 37-të (58), “Djajtë” kanë shpenzuar 16.9 milionë paund. Dhe klubi nga i cili mund të mësojnë është Brentfordi.
Skuadra e Tomas Frenkut ka grumbulluar 46 pikë këtë sezon, por secila prej tyre i ka kushtuar vetëm 1.5 milionë paund, më pak se çdo klub tjetër i Premier Ligës. Mançester Siti ka shpenzuar shumë më tepër se rivalët, por kanë koleksionuar 90 pikë deri në javën e 37-të dhe nëse fitojnë të dielën shpallen kampionë.
Kjo përkthehet në 10.8 milionë paund të shpenzuara për çdo pikë, duke qenë mesatarja e katërt më e lartë e kampionatit, pas Çelsit me 13.7 milionë paund dhe Evertonit 12.5 mln.
Duelin mes dy rivaleve për titull, Siti-Liverpul, e fiton skuadra e Klopit. “Reds”-ave u ka kushtuar një pikë 8.2 milionë paund. Antonio Konte ka ndryshuar drastikisht situatën te Totenhemi pas uljes së tij në stol, duke i dërguar ata në vendin e katërt përpara javës së fundit. “Spërsave” u ka kushtuar çdo pikë 7.1 milionë paund këtë sezon në Premier Ligë. Atyre u mjafton edhe një barazim në javën e fundit ndaj Noruiçit për të prerë biletën e fundit të Anglisë në Champions.
Arena e Lajmit
Loading…
and then