Milan Skriniar prej disa vitesh konsiderohet si lojtari kryesor i mbrojtjes së Interit, me paraqitjet e sllovakut në fushë që kanë tërhequr vëmendjen e klubeve të mëdha europiane siç është edhe Çelsi.
“Blutë” duhet të gjejnë me doemosë një lojtar për të zëvendësuar gjermanin Rudiger, i cili ka zyrtarizuar largimin nga anglezët dhe pritet të transferohet te Reali i Madridit.
Sipas raportimeve nga “Goal”, 27-vjeçari i Interit duket të jetë emri i parë në listën e londinezëve, me zikaltërit që duhet patjetër të bëjnë një “sakrificë” në këtë merkato për të rregulluar financat e klubit.
Kartoni i futbollistit vlerësohet rreth 75 milionë euro nga italianët, me Çelsin që do të ishte i gatshëm të ofronte rreth 55 milionë dhe kartonin e spanjollit Markos Alonso.
Mbetet për t’u parë nëse oferta e anglezëve do të përmbushë pritshmëritë e Interit dhe nëse ky transferim i mbrojtësit në Londër do të realizohet.
Arena e Lajmit
Loading…