Forcat Shqiponja kanë sekuestruar armët të llojit pistoletë dhe snajper gjatë operacionit të sotëm te Liqeni i Thatë. Gazetari Igli Çelmeta ka raportuar për “BalkanWeb” detaje të reja nga operacioni. Ai tha se aksioni është në vijim i sipër, teksa është arrestuar një person, i cili kishte marrë me qira garazhin ku janë gjetur armët në një pallat në rrugën “Peti” në zonën e Liqenit të Thatë.
Grupi hetimor po heton nëse ky grup kriminal ka lidhje me grupin e goditur pak ditë më parë në Kodër Mëzez ku u zbulua një laborator për prodhimin dhe modifikimin e armëve.
Hetimet janë fokusuar mbi personin që kishte marrë me qira garazhin, i cili është mbajtur nën vëzhgim.
Hetimet kanë vijuar prej muajsh dhe ky person ka qenë në shënjestër të policisë pasi personi i arrestuar figuron me precedentë penalë.
and then