Zarfet me emra të deputetëve, kë thumboi Rama në grupin e PS? “Ndonjë nga ju nuk u përfshi në këtë proces, por…”

Kryeministri Edi Rama, ka zbardhur sot prapaskenat e selektimit të zgjedhjes së kandidatëve për president, nga propozimet e kryera nga deputetët socialistë.

Gjithashtu kryeministri nuk la pa shigjetuar edhe deputetë që nuk ishin përfshirë në këtë proces, që sipas Ramës janë shprehur se zarfet janë punë për mosha të reja.

“U arrit në konkluzion që të propozonim këtë kandidaturë. Më vjen keq për ndonjë deputet që nuk u përfshi duke menduar që zarfet janë punë për mosha të reja dhe jam i bindur që herën tjetër të gjithë do të përfshihen.”, tha kryeministri.

Gjithashtu kryeministri Rama u shpreh:“Grupi do të votojë në unanimitet të plotë për Bajram Begaj dhe nuk ka nevojë të diskutojmë për këtë.”