Barcelona, gati të bindë Bajernin me 60 milionë euro për Levandovskin/ Ja sa do të fitojë polaku për 3 sezone në Spanjë

Barcelona ka shfaqur interesimin më të madh për Robert Levandovskin, i cili është i gatshëm të largohet nga Bajerni i Mynihut në verë pas 8 sezoneve në klub. Çfarë do të ndodhë? Gazeta spanjolle “AS” raporton se katalanasit janë mjaft optimistë për çështjen e polakut. 33-vjeçari ia ka bërë absolutisht të qartë Bajernit se kërkon të largohet nga klubi gjatë verës.

Me sa duket, “qëndrimi i drejtpërdrejtë i sulmuesit” befasoi bordin e kampionëve të Gjermanisë. Ata tani thuhet se po mendojnë seriozisht për fillimin e negociatave të transferimit me Barcelonën.

Sipas “AS”, Barcelona ka vendosur tarifën e kërkuar nga Levandovski në 60 milionë euro. Drejtuesit e Barçës janë të bindur se Bajerni nuk mund të injorojë një ofertë të kësaj përmase, veçanërisht duke pasur parasysh se ai do të jetë i disponueshëm si një transferim i lirë në pak më pak se 12 muaj. Ditët e fundit kanë qarkulluar lajme se Bajerni do të ishte i gatshëm të bisedonte për një shumë prej 40 milionë eurosh.

Gjithsesi, për të qenë sa më të sigurt në mbylljen e këtij transferimi, spanjollët mund të shtojnë këtë shumë duke e bërë këtë çështje të mbyllur. Gjithçka duhet të jetë tashmë e qartë mes Barcelonës dhe Levandovskit. Polaku ka rënë dakord për një kontratë 3-vjeçare me katalanasit.

Sipas “AS”, fituesi i Ligës së Kampionëve 2020 do të fitojë “vetëm” 9 milionë euro neto në vit dhe kështu dukshëm më pak se Bajerni (rreth 12 milionë euro neto). Roberti mësohet t’u ketë dhënë lamtumirën tifozëve dhe në rrethin e ngushtë tregojnë për një “mirupafshim” dhe me stafin që punon në qendrën stërvitore të kampionëve. Polaku nuk ka ndërmend të rikthehet atje në korrik, atëherë kur do të nisë grumbullimi për sezonin e ardhshëm.

Nagelsmani duhet të bëjë pa lojtarin më të mirë të Bajernit në këto vitet e fundit dhe pa dyshim një nga golashënuesit më të mëdhenj që ka pasur ndonjëherë Bundesliga. Duhet thënë që pas largimit të Halandit drejt Sitit dhe ndoshta atij të Levës, kampionati gjerman nuk do të jetë më i njëjti në sezonin e ardhshëm.

Arena e Lajmit