Ish-bashkëshorti i Britney Spears, Jason Alexander, është deklaruar zyrtarisht i pafajshëm pasi tentoi të prishte dasmën e yllit të popit muajin e kaluar.
Sipas Page Six, Zëvendës Prokurori i Qarkut të Ventura, Erin Meister, tha se Alexander, u akuzua të martën për ankesën penale në Gjykatën e Lartë të Qarkut Ventura, ku u shfaq nga burgu përmes një lidhjeje Zoom.
Ai u deklarua i pafajshëm për të gjitha akuzat, duke përfshirë një akuzë për ndjekje me një dënim të mëparshëm për dhunë në familje dhe tre akuza për shkelje të rëndë, refuzim për të lënë pronën private dhe vandalizëm. Ai mohoi akuzat e posaçme gjatë gjykimit të së martës.
Seanca e radhës e Alexander është një konferencë paragjyqësore e planifikuar për në 2 gusht. Ai mbetet në burg në vend të garancisë prej 100,000 dollarësh dhe do përballej me pesë vjet burg nëse shpallet fajtor në seancën e dytë.
Në orët para dasmës së Spears dhe Sam Asghari më 9 qershor në pronën e saj Thousand Oaks, Alexander anashkaloi sigurinë dhe dyshohet se hyri në shtëpi duke transmetuar drejtpërdrejt në Instagram. Sipas një prej rojeve të sigurisë së Spears, Aleksandri u përpoq “shumë herë” për të hapur derën e mbyllur të dhomës së gjumit të këngëtares në katin e dytë të rezidencës, por nuk pati sukses.
Departamenti i Sherifit të Qarkut Ventura përfundimisht iu përgjigj sulmit të supozuar dhe arrestoi Alexander, duke konfiskuar një armë të mprehtë dhe sende të tjera nga zotërimi i tij.
Në seancën paraprake të 27 qershorit, mbrojtësi publik i Aleksandrit argumentoi se akuza për ndjekje penale kundër klientit të tij duhet të zvogëlohet në një kundërvajtje sepse nuk kishte prova të mjaftueshme që ai ishte aty për të dëmtuar Spears.
Gjykatësi nuk u pajtua dhe mbështeti akuzat përpara se të vendoste se Aleksandri do të mbetej pas hekurave.
and then