Presidenti Ilir Meta ka pritur sot në takim Ambasadorin e Armenisë në Shqipëri, Tigran Mkrtchyan me rastin e paraqitjes së Letrave Kredenciale.
Presidenti Meta i uroi suksese Ambasadorit Tigran Mkrtchyan në përmbushjen e misionit diplomatik në Shqipëri duke nënvizuar vullnetin për forcimin e marrëdhënieve miqësore mes dy vendeve tona, në fushat me interes reciprok në planin dypalësh politik, ekonomik, tregtar, turizëm e kulturë.
Kryetari i Shtetit konsideroi komunitetin armen në Shqipëri si një urë të rëndësishme në zhvillimin e marrëdhëniet mes dy vendeve dhe popujve.
Presidenti Meta dhe Ambasadori Tigran Mkrtchyan vlerësuan rëndësinë e bashkëpunimit shumëpalësh, në kuadër të organizatave ndërkombëtare dhe nismave rajonale ku të dy vendet janë anëtarë.