Në një lidhje romantike? Ja e vërteta e raportit të Johnny Depp me flokëkuqen misterioze

Flokëkuqja misterioze që u pa me Johnny Depp nuk është gjë tjetër veçse një mikeshë dhe pjesë e ekipit të tij.

Në fillim të kësaj jave, ylli i ‘Pirates of the Caribbean’ ndezi thashetheme të reja romantike kur u fotografua me të përpara performancës së tij në ‘Umbria Jazz Festival’ në Itali.

Megjithatë, një burim i afërt me ta ka treguar për E!News se gruaja në fjalë është thjesht pjesë e stafit të xhirimeve të filmit të ardhshëm të aktorit, ‘Jeanne du Barry’. Burimi shtoi: “Ajo është mësuesja e tij e frëngjishtes dhe nuk ka asnjë lidhje romantike mes tyre“.

Depp, 59 vjeç, do të luajë Louis XV në film, i cili përqendrohet në jetën e Jeanne Bécu, gruaja e mbretit francez të shekullit të 18-të, pasi ai vdiq, sipas IMDB. Projekti, i planifikuar për vitin 2023, do të shënojë rikthimin e parë të aktorit në ekranin e madh në tre vjet.

Dalja e Depp me mësuesin e tij të frëngjishtes vjen pak më shumë se një muaj pas gjyqit për shpifje midis tij dhe ish-bashkëshortes Amber Heard, i përfunduar në Virxhinia me triumfin e aktorit në qershor.

 

View this post on Instagram

 

A post shared by Johnny Depp (@johnnydepp)

Të gjithë duket se janë kuriozë të dinë se çfarë po ndodh me jetën sentimentale të Johnny këto kohë. Fillimisht pati spekulime se ai po dilte me avokaten e tij Camille Vasquez. Mirëpo, diçka e tillë ishte e pavërtetë. Avokatja tha për revistën People: “Unë mendoj se kjo vjen me faktin e të qenit një grua që thjesht bën punën e saj. Është zhgënjyese që disa media e raportuan atë ose thanë se ndërveprimet e mia me Johnny-n – i cili është miku im dhe unë e njihja dhe përfaqësoj prej katër vitesh e gjysmë-  ishin të papërshtatshme. apo joprofesionale. Është zhgënjyese të dëgjosh.”

Madje së fundmi ajo ishte në Çeki me të dashurin të cilin e prezantoi me Johnnyn.  Ylli i “Edward Scissorhands” u pa duke buzëqeshur teksa u takua me avokaten 38 vjeçare në koncertin e tij muzikor në Pragë. Pamjet e takimit u regjistruan nga të pranishmit duke u shpërndarë në Internet ku janë bërë virale. Videoja tregon se Vasquez e prezantonDepp me të dashurin e saj, biznesmenin britanik Edward Owen.