Christine Baranski pranoi se ajo po i “bënte diss” Elon Musk, pasi një foto e aktores që shikonte me inat themeluesin e SpaceX u bë virale në ‘Met Gala 2022’.
Christine Baranski gets it pic.twitter.com/G9IH7kGP5p
— Jarett Wieselman (@JarettSays) May 5, 2022
“Gjëja e bukur është se nuk më kujtohet kur e kam parë me inat”, tha ylli i “Good Fight” për ‘Entertainment Weekly’ të mërkurën. Ajo shtoi, “Unë në fakt po i bëja diss ndërsa prisja në radhë për të shkuar në darkë.”
Baranski shpjegoi për revistën se dikush me të cilin shoqërohej i tha se Musk ishte pas saj dhe ajo u përgjigj: “Unë i thashë: ‘Nuk e di se si ndihesh për të, por pse po shpenzon miliarda dollarë në hapësirë kur ai mund të pastronte planetin?’ Unë jam një ambientaliste.” Pavarësisht mosmiratimit të saj ndaj shpenzimeve të Musk, Baranski, 70 vjeç, nuk donte ta shihte me inat CEO e TESLA. “Do jem kthyer në një moment dhe e kam parë, por nuk pozova për atë foto,” shpjegoi ajo.
Baranski tregoi gjithashtu se personazhi i “Good Fight” dhe “Good Wife”, Neil Gross, një miliarder i ngjashëm me Musk, do të rikthehet për sezonin e fundit të shfaqjes. “Unë mund t’i godas pak miliarderët,” tha aktorja e “Mamma Mia”. “Kam shtuar disa rreshta në skenar dhe në të vërtetë do të përfshij Elon Musk në episodin e fundit.” Në serial, John Benjamin Hickey luan Gross, themeluesin e një motori kërkimi miliarda dollarësh të quajtur Chumhum.
Musk u bë kryefjalë e mediave kohët e fundit pasi mirëpriti fshehurazi binjakët me një nga drejtueset e tij më të larta në Neuralink, Shivon Zilis, në nëntor 2021. Musk ka 10 fëmijë me disa gra të ndryshme: Nevada Alexander, i cili vdiq kur ishte ende foshnje, binjakët 18-vjeçarë Griffin dhe Vivian, trenjakët 16-vjeçarë Kai, Sakson dhe Damian, djalin 2-vjeçar X AE A- XII, vajzën 4 muajshe Exa Dark Sideræl dhe binjakët që ndan me Zilisin, emrat e të cilëve nuk dihen. Njeriu më i pasur në botë së fundmi përflitet për lidhje me aktoren e “Britney Ever After”, Natasha Bassett.
