Britney Spears tashmë po shijon periudhën më të mirë të jetës së saj pasi kurorëzoi dhe dashurinë me Sam Asghari.
Dy djemtë e artistes Sean dhe Jayden nuk ishin të pranishëm në eventin madhështor, gjë që bëri bujë në mediat e huaja. Shumë persona nisën të dyshonin për marrëdhënien e këngëtares me dy fëmijët e saj.
Por pavarësisht kësaj, lidhja e tyre është më e ngushtë se kurrë, sipas një burimi për ‘Hollywood Life’, dhe të tre janë shumë të afërt në këtë fazë të jetës së tyre.
Zhvendosja e fundit e Spears në një lagje afër vendit ku jetojnë fëmijët e saj në Kaliforni i ka bërë gjërat shumë më të lehta, sipas burimit.
Tani që ajo jeton në të njëjtën lagje me fëmijët e saj në Calabasas, ata e vizitojnë shtëpinë e saj shpesh, shkojnë në pishinën e mamasë së tyre dhe u pëlqen që ajo gjendet aty për ta.
Ata gjithashtu përshkruajnë se shtëpia ka dhomat e saj të gjumit për ta, kështu që koha dhe hapësira e tyre respektohet. Britney Spears dëshiron që ata të ndihen si në shtëpinë e tyre.
