Historiania Nevila Nika tha sot në “Javën çame” që ka nisur me një aktivitet në Parlament që megjithëse popullsia çame u përzu dhunshëm nga trojet e veta, e njëjta gjë nuk ndodhi me grekët gjatë luftës civile.
Ajo theksoi se “Kur shqiptarët nga Çamëria u përzunë dhunshëm, grekët kaluan kufirin dhe i mbajtëm me bukë. Banorët nuk i gjuajtën me gurë, nuk i morën me hunj dhe me thika, por i pranuan. Këtë nuk e di a ia ka thënë ndonjëherë diplomacia shqiptare palës greke. Ishte luftë civile në Greqi, por asgjë nuk e pengonte shtetin shqiptar të mbyllte kufirin”.
Sipas Nikës “Në këtë foltore flitet shumë, por nuk ka brumë. Na vjen keq kur në Botë përmendemi për gjëra të këqija. i kemi të gjitha mundësitë. Shqiptarët e çamërisë nuk kërkojnë të përmbysin qeveritë, por duan një të drejtë, të lëvizin lirshëm. Shpresa vdes e fundit. Përpjekjet duhet ti bëjmë të gjithë. Ky Parlament duhet ta dinte. i kanë kërkuar varret e tyre, i kanë marrë eshtrat. Shpesh herë jemi shumë zemërgjerë, por duhet të jemi edhe të fortë”.
