Dhunon efektivin e policisë në pikën kufitare të Bllatës, arrestohet një 39-vjeçar (EMRI)

Një 39-vjeçar është vënë në pranga nga policia e Dibrës, pasi ka goditur një efektiv policie për shkak të detyrës.

Raportohet se ngjarja ka ndodhur në pikën e kalimit kufitar të Bllatës, dhe i arrestuari është Almir Velinov.

“Shërbimet e policisë së Drejtorisë Vendore të Policisë Dibër, ndaluan shtetasin A. V., 39 vjeç, banues në fshatin Kllobçisht, Dibër, i shpallur në kërkim për veprën penale “Goditje për shkak të detyrës”.

Ndalimi i tij u bë pasi në bashkëpunim me një shtetas tjetër, ka goditur për shkak të detyrës, një punonjës policie të Pikës së Kalimit Kufitar Bllatë, gjatë kohës që ky i fundit ka qenë i angazhuar për kontrollin e territorit, në kuadër të parandalimit dhe goditjes së veprimtarisë kriminale të kultivimit të bimëve narkotike”, thuhet në njoftimin e policisë.