Ardhja e saj në Kosovë, padyshim ishte një ngjarje e veçantë.
Bëhet fjalë për Dua Lipën, e cila pas përfundimit të “Sunny Hill Festival” po viziton vende të ndryshme në vendlindje.
Së fundmi, instrumentisti i mirënjohur shqiptar, Fatmir Makolli ka takuar yllin botëror dhe jo duar bosh. Ai i ka dhuruar autores së hitit “Levitating” një çifteli.
Dhuratë simbolike kjo që lidhet me muzikën e vjetër tradicionale. Makolli ka ndarë në rrjetin e tij social Facebook disa foto ku duket gjatë takimit me Dua Lipën.
“Rastisi që në ditëlindjen time, të kem edhe një privilegj dhe kënaqësi që në lokalet e Hotelit Swiss Diamond, yllit botëror të muzikës, Dua Lipa, t’i dhuroj një çifteli”,-shkruan instrumentisti.
Ndërkohë, edhe Dua mund të shihet e lumtur që ka pranuar një dhuratë të tillë nga rapsodi i njohur shqiptar.
Më herët kujtojmë që Dua Lipa ka zhvilluar një takim zyrtar edhe me Kyeministrin e Kosovës, Albin Kurtin dhe Presidenten, Vjosa Osmani. Kjo e fundit e ka emëruar 26-vjeçaren ‘Ambasadore Nderi të Republikës së Kosovës’.
Përmes një postimi në Facebook, Osmani shkroi se Duan e ka falënderuar për gjithçka që ka bërë dhe po bën që “zëri ynë të dëgjohet kudo në botë”.
and then