Silvio Berluskoni bëri shumë bujë kur mori drejtimin e Monzës katër vite më parë. Ish presidenti i Milanit deklaroi menjëherë se kërkonte lojtarë “të pastër”. Ai insistoi asokohe se kërkonte në ekip lojtarë të cilët nuk mbanin mjekër e tatuazhe.
Një deklaratë e cila në disa raste është harruar dhe vetë Berluskoni ka pranuar se për të bërë hapin para ekipit të tij i duheshin edhe lojtarë të tillë. Por duket se edhe këta lojtarë me mjekër do të detyrohen të ndryshojnë “look” pas ngjitjes në Serinë A.
“Është e vërtetë që mua nuk më pëlqejnë futbollistët me mjekër dhe me tatuazhe. Por e them, për ndonjë kemi bërë përjashtim, pasi na ka premtuar që do ndryshonte nëse ngjiteshim në Serinë A. Tani në Serinë A duhet të presë mjekrën”, tha sot Berluskoni, duke bërë të qartë se në elitën e futbollit italian priste që lojtarët e tij të respektonin maksimalisht rregullin e pashkruar që kishte vendosur në skuadër.
Arena e Lajmit
Loading…
and then