Vendimi surprizë, Dinamo “djeg” biletat e avionit për lojtarët

Vendimi i klubit për ta vazhduar stërvitjen deri më 15 qershor ka prishur planet e futbollistëve të Dinamos.

Të huajt e këtij ekipi kishin prerë biletat e udhëtimit për në vendet e tyre, duke menduar se do të nisnin pushimet me përfundimin e kampionatit. Por situata ka marrë drejtim tjetër, duke shkaktuar jo pak pakënaqësi te lojtarët.

Deri më 15 qershor pritet që të qartësohet edhe pozicioni i lojtarëve të grupit aktual. Shumica janë nën kontratë dhe në rast ndarjeje mes palëve duhet gjetur një akord më parë. Nga sa është lënë të kuptohet së fundi, nga radhët e bluve do të ketë shumë largime.

Arena e Lajmit