Rama batuta me Vuçiç në Bruksel: Pse je këtu, vendimi është për ne e RMV?! Presidenti serb: Po thoje diçka të mirë për mua…!

Nuk kanë munguar batutat mes Aleksandër Vuçiç dhe Edi Ramës në konferencë për shtyp në Bruksel, pas Samitit për Ballkanin Perëndimor.

Ka qenë kryeministri Rama, i cili gjatë fjalës së tij, iu drejtua Vuçiç, duke e pyetur se pse ndodhet aty, pasi vendimi për negociatat është vetëm për Shqipërinë e Maqedoninë e Veriut, por Presidenti serb ja ktheu se aty janë bashkë dhe se Serbia e mbështet rrugën evropiane të të dy vendeve.

Rama: Pyetja tjetër, pse Vuçiç është këtu me ju, vendimi pritej vetëm për ne dhe RMV?

Vuçiç: Jam i sigurt që po thoje diçka të mirë për mua…! Jo, jemi së bashku. Dhe sot nëse mund të them kështu, dhe besoj se kolegët e mi do bien dakord për këtë, ishte përvojë më pak e këndshme për mua se sa për ta. Megjithatë doja të dëshmoja angazhimin, dedikimin dhe mbështetjen tonë për RMV e Shqipërinë, dhe ata donin të ndanin të njëjtat fjalë me mua. Mund të them që ishin të dobishëm edhe për Serbinë këto diskutime. Nuk është detyrim formal i Serbisë për të qenë mbështetëse për ca çështje për Shqipërinë e RMV, nuk e kemi të shkruar në Kushtetutë, por kjo është bërë diçka natyrale diçka për të cilën ne jemi krenarë. Do shohim se kush do të jetë i pari që do të mbështesë vendet tuaja. Presim së pari e mbi të gjitha ndihmë e asistencë nga vendet fqinjë.

Arena e Lajmit