Pasi ishte protagonisti kryesor i humbjes së titullit të Interit pas gafës së pafalshme në ndeshjen ndaj Bolonjës në transfertë ku zikaltërit u mundën me përmbysje me rezultatin 2-1, Ionut Radu mund të ketë të ardhmen larg Milanos.
Sipas asaj që raporton e përditshmja sportive italiane “Gazzetta dello Sport”, portieri rumun ka kërkesa nga skuadra e sapo ngjitur në Serinë A, Kremoneze.
Në rast se portieri i ekipit nga Kremona, Karneseki do të largohet pas përfundimit të huazimit nga Atalanta, atëherë drejtuesit e Kremonezes do të hidhen në sulm për Radun.
25-vjeçari gjatë sezonit që përfundoi, zhvilloi vetëm dy sfida gjithsej në të gjitha kompeticionet, ndaj Bolonjës në kampionat dhe ndaj Empolit në Kupën e Italisë.
– Arena e Lajmit
Loading…
and then