Milani i të ardhmes fillon që sot. Xherri Kardinale, presidenti i ri i kuqezinjve, ka zbarkuar në Milano dhe po hedh hapat e finalizimit të marrëveshjes që kalon klubin nga fondi “Elliot” te “RedBird” që ai menaxhon.
Por përtej anës financiare, është edhe ana sportive dhe në këtë pikë, Kardinale ka kërkuar takim me Paolo Maldinin, ikonë e klubit e njëkohësisht përgjegjës i sektorit teknik. Maldini ishte ai që ndërtoi skuadrën fituese të Piolit, por nuk ngurroi të shprehte publikisht pakënaqësinë e tij se nuk i ishte ofruar ende një rinovimin i kontratës.
Gjë që pritet të zgjidhet sapo të finalizohet kalimi i pronësisë te “RedBird” pasi mediat italiane saktësojnë se Kardinale do të vazhdojë t’i besojë drejtimin ikonës së futbollit italian. Kjo është arsyeja pse në zyrat e klubit në “Casa Milan”, Kardinale ka nisur në mëngjesin e sotëm një takim me Maldinin, për të venë piketat mbi të ardhmen dhe për të folur për buxhetet e planet për merkaton e kuqezinjve. Synimet janë që në sezonin e ardhshëm ata të tentojnë të përsëritin vetveten në kampionat por sidomos të konfirmohen në Europë.
Arena e Lajmit
Loading…
and then