Pamjet që shihni tregojnë gomonen e shkrumbuar, e cila u gjet në bregdetin e Adriatikut, në derdhje të hidrovorit të Adriatikut, në Godull të Kurbinit.
Gazetari Elidon Ndreka ka siguruar për BalkanWeb pamjet nga mjeti i djegur, i cili ka dyshime se transportonte drogë.
Ashtu siç u raportua dje, gomonia, e cila u ndoq ditën e djeshme nga Guardia di Finanzia dhe policia shqiptare, ishte me 4 motorë të fuqishëm, secili me 300 kuaj fuqi, ndërsa ishte pajisur edhe me një radar tejet të kushtueshëm.
Aksioni për kapjen e gomones nisi pas dyshimeve se brenda saj kishte lëndë narkotike. Nga dyshimet, mendohet se gomonia erdhi nga Greqia dhe u pikas në afërsi të grykëderdhjes së Vjosës, ndërsa pasi i ka shpëtuar ndjekjes, ajo i është vënë flaka në zonën bregdetare të Godullës.
Arena e Lajmit