Zbardhen detaje sesi u zbulua autori i dyshuar i vrasjes së Saimir Jakut, që çoi në arrestimin e Dorian Keqi. Pas vrasjes së ish-drejtorit të Tensionit të lartë për veriun në 9 shtator të 2016-ës, në fshatin Skuraj u gjet një automjet i djegur që dyshohej se ishte përdorur në krim.
Gazetarja Klodiana Lala raporton për BalkanWeb se poshtë makinës u zbulua bidoni i benzinës dhe në të u gjet një gjurmë gishti. Por pavarësisht këtij fakti dosja ishte pa autor dhe nuk u bë dot e mundur asokohe, (në vitin 2016) identifikimi i gjurmës së gishtërinjve.
Ndërkohë, Lala raporton se të premten Dorian Keqi u arrestua për drejtim mjeti në gjendje të dehur.
Në polici iu morën shenjat e gishtërinjve dhe u krahasuan dhe rezultuan të përputhshme me gjurmën e gishtit që ishte zbuluar në bidonin e benzinës. Keqi refuzon të japë shpjegime, por dyshohet të ketë vepruar kundrejt pagesës për të kryer vrasjen e Jakut.
Arena e Lajmit
and then