Pasi e mbylli me Egnatian, Zekerija Ramadani është gati të nisë një aventurë të re.
Trajneri 44-vjeçar ka arritur akordin me skuadrën e Gjilanit, ku zyrtarizimi është çështje ditësh.
Shkupjani do të rikthehet sërish në Superligën e Kosovës, aty ku ka kujtime të bukura.
Në Kosovë, Ramadani është shpallur tre herë kampion, me Trepça ’89 në sezonin 2016/2017, me Feronikelin në sezonin 2018/2019 dhe me Prishtinën në sezonin 2020/2021.
44-vjeçari mori në drejtim ekipin e Egnatias në dhjetor të 2021, ku në 28 ndeshje në total me rrogozhinasit koleksionoi 7 fitore, 7 barazime dhe 14 humbje, teksa arriti dhe të mbijetonte në Superiore ku diskutoi finalen e “Play-Out”-it ndaj Korabit, me Egnatian që triumfoi me rezultatin 2-0.
– Arena e Lajmit
Loading…
and then