VIDEO/ Shqipëria e pafat! Ndëshkohen në fund nga Azerbajxhani dhe nuk kalojnë grupin e “EURO 2022”

Shqipëria nuk mundet dot të kalojë grupet e Kampionatit Europian të Minifutbollit që po mbahet në Sllovaki.

Kombëtarja kuqezi është mposhtur me rezultatin 0-1 ndaj Azerbajxhanit, pas një goli të realizuar në minutën e 49′ me Mirmehdi Rzaiev.

Një ndeshje e hapur për të dyja përfaqësueset, por me një Shqipëri që ka qenë më kërkuese drejt portës. Lama është ndëshkuar me karton të kuq në minutën e 44′ duke lënë skuadrën me një lojtarë më pak në fushën e blertë.

Fatmir Hysenbelliu zhvilloi një ndeshje pozitive, teksa kishte dhe një rast për gol ku goditi me një gjuajtje të menjëherëshme, por pa mundur dot që topi të shkonte drejt rrjetës.

Kuqezinjtë e mbyllin Europianin në Sllovaki në vendin e fundit me 1 pikë, pas atij barazimi ndaj Spanjës 0-0, dhe me dy humbje kundër Rumanisë pasditen e djeshme me rezultatin 3-1 dhe sot ndaj Azerbajxhanit minimalisht 0-1.

RENDITJA –

FT | SHQIPËRI 0-1 AZERBAJXHAN

Mirmehdi Rzaiev 50′

KOMENTI LIVE –

PËRFUNDON SFIDA!

50′ GOL 0-1! Azerët në avantazh, kuqezinjtë e pësojnë në fund pas një goditje të menjëhershme.

44′ Një ndërhyrje e rrezikshme e Lamës bën që të ndëshkohet me karton të kuq dhe Shqipëria aktualisht ndodhet me një lojtar më pak.

38′ Shqipëria del në kundërsulm dhe Dushku godet me një silurë dhe portieri azer e pret atë top me vështirësi.

33′ Fatmir Hysenbelliu tenton të befasojë azerët me një goditje të menjëherëshme, por topi përfundon jashtë.

31′ Gokaj provon nga një goditje dënimi, por topi përfundon shumë larg kuadratit të portës.

27′ Ndizet sfida! Lojtarët azer kërkojnë penallti, por arbitri e cilëson si faull në dëm ndaj Dushkut.

26′ Nis pjesa e dytë!

PËRFUNDON PJESA E PARË!

24′ Lama godet portën nga një goditje dënimi, por topi përfundoi shumë pranë duke krijuar iluzionin e golit.

22′ Azerët provojnë sërish, por topi përfundon shumë larg portës së Xhaferit.

17′ Kuqezinjtë me fat, Aliev godet shtyllën dhe topi përfundon jashtë.

13′ Shqipëria po mundohet që të shfrytëzojë hapësirat, por deri tani nuk ka mundur dot të rezultojë e suksesshme.

7′ Moment pauze, portieri Xhaferri pësoi një goditje, por gjithçka është në rregull.

4′ Loja ka nisur vrullshëm ku të dyja skuadrat janë në kërkim të golit.

1′ Starton sfida!

FORMACIONI ZYRTAR –

SHQIPËRIA: Xhaferi, Pjetërnikaj, Hysenbelliu (C), Mehja, Dushku, Leci.

Arena e Lajmit