Serena Williams i dha lamtumirën US Open dhe karrierës së saj të shkëlqyer, mes lotëve pasi humbi kundër Ajla Tomljanovic të Australisë në New York.
Williams, e cila festoi 41 vjetorin këtë muaj, pret që kjo të jetë ndeshja e saj e fundit. Ajo do t’i japë fund një karriere profesionale 27-vjeçare që i solli 23 fitore të mëdha dhe konsiderohet si tenistja më e madhe e të gjitha kohërave.
Williams u mund 7-5 6-7 (4-7) 6-1 dhe lotët i rridhnin në fytyrë pas humbjes.
Tifozët u ngritën në këmbë kur ajo u largua nga fusha në stadiumin Arthur Ashe, skena e triumfit të saj të parë të madh në 1999 dhe pesë fitoreve të tjera më të mira në karrierën e saj historike.
Williams u pushtua nga emocionet kur u intervistua teksa falënderoi familjen, ekipin, tifozët e saj në mbarë botën për mbështetjen e tyre gjatë viteve.
“Falënderoj të gjithë ata që janë këtu, që kanë qenë në anën time kaq shumë vite, dekada. O zot, fjalë për fjalë dekada”, tha Williams, e cila luajti turneun e saj të parë profesional në moshën 14-vjeçare në 1995.
Më pas shtoi: “Por gjithçka filloi me prindërit e mi. Dhe ata meritojnë gjithçka. Kështu që unë jam shumë mirënjohës për ta. Dhe unë nuk do të isha Serena nëse nuk do të ishte motra ime Venusi, kështu që faleminderit, Venus. Ajo është e vetmja arsye që Serena Williams ka ekzistuar ndonjëherë.”
“Je ne serais pas Serena s’il n’y avait pas Venus alors, merci Venus. Elle est la seule raison pour laquelle Serena Williams a existé.” ❤️😥#USOpenpic.twitter.com/SL4fi30FIg
— Univers Tennis 🎾 (@UniversTennis) September 3, 2022
Tomljanoviç, e cila kalon në raundin e katërt dhe luan me Liudmila Samsonova të Rusisë, doli në krah dhe duartrokiti kundërshtaren e saj ndërsa ajo mori mikrofonin.
Williams, ikona e tenisit dhe një nga yjet më të njohur të sportit në botë, njoftoi tërheqjen e saj në një ese për revistën e modës, Vogue.
Edhe pse ajo nuk e përdori fjalën “tërheqje”, ajo tha se po “evoluon larg” nga sporti dhe se plani i saj ishte t’i jepte fund karrierës së saj duke u fokusuar tek familja e saj.
and then