The Weeknd është përballur me një situatë të papritur kur i iku zëri ndërsa ishte në mes të performancës së koncertit të tij të dytë në stadiumin ‘SoFi’ në Inglewood, Kaliforni të shtunën mbrëma. Ai e ndërpreu koncertin papritmas, duke i informuar fansat se nuk do të mund të vazhdonte me pjesën tjetër të mbrëmjes.
Krijuesi i hiteve 32-vjeçar u prit me ovacione të forta nga arena e mbushur me plot 70,000 njerëz, teksa kërkoi falje në skenë për problemin e papritur.
“Nuk mund të jap koncertin që dua të jap. Do të sigurohem që të gjithë të jenë mirë, do t’ju kthejnë paratë dhe do të bëj një shfaqje të vërtetë së shpejti për ju djema, por doja të dilja dhe të kërkoja falje personalisht dhe të mos e postoja në Twitter ose në Instagram”, tha ai. “Doja që ju ta dini se nuk mund t’ju jap atë që dua t’ju jap. Kërkoj falje. Më vjen shumë keq. Ju e dini sa shumë më vret kjo. Ju dua. Shumë faleminderit.”
The Weeknd just ended his show because he lost his voice. Everyone started booing and he walked off crying it looked like pic.twitter.com/CbcSc8tHFA
— David (@Perphected) September 4, 2022
The Weeknd më pas iu drejtua mediave sociale për t’u kërkuar falje fansave sërish për anulimin e performancës së tij. “Më iku zëri gjatë këngës së parë dhe jam i shkatërruar. E ndjeva që më iku dhe u ndjeva shumë keq. I kërkoj ndjesë fansave të mi. Ju premtoj se do t’ju kompensoj me një datë të re.”
pic.twitter.com/wJ73kRWxRC
— The Weeknd (@theweeknd) September 4, 2022
Turneu i The Weeknd hasi në probleme të tjera më herët, duke filluar kur ai e shtyu atë në janar për të performuar në më shumë vende teksa më parë ishte shtyrë dy herë për shkak të pandemisë COVID-19. Kur më në fund filloi në korrik, shfaqja e hapjes në Toronto u shty për shkak të një ndërprerjeje të energjisë elektrike. The Weeknd do të performojë në shumë vende ndërkombëtare duke përfshirë Meksikën, Azinë Jugore, Australinë dhe Evropën.
View this post on Instagram
Edhe pse aktualisht nuk është e qartë se çfarë problemi ka konkretish kanadezi, ai mund të humbasë më shumë data në të ardhmen nëse kjo rezulton të jetë një çështje serioze. Adele iu nënshtrua një operacioni në fyt për shkak të një hemorragjie në kordat e saj vokale dhe yje të ndryshme janë përballur me probleme të frikshme me zërat e tyre gjatë viteve.
The Weeknd ka qenë shumë i zënë kohët e fundit. Pas turneut, ai do vijë gjithashtu me një serial ku luan krah Lily-Rose Depp, e cila bie në dashuri me personazhin e The Weeknd. Ai titullohet ‘The Idol’ dhe do të ketë gjashtë episode.
View this post on Instagram
and then