Është shqyrtuar këtë të martë dekreti për kthimin e ligjit për çështjen e Butrintit.
Gjatë fjalës së tij Bledar Dervishaj tha se ka munguar konsultimi i gjerë publik dhe se ligji bie ndesh me Konventën e Parisit.
“Vendimmarrja e ndjekur për parkun Kombëtar të Butrintit ka hapur debat dhe vlerësohet se marrëveshja bie ndesh me objektiva socialë që Kushtetuta ka përcaktuar.”, tha ai.
Po ashtu ai theksoi se Këshilli i Ministrave ka kapërcyer kufijtë e dhëna nga ligji.
“Parashtrojmë se shumë të dhëna e fakte ky Komision dhe Kuvendi duhet t’i ketë dhe të njihet me to. Ky ligj bie ndesh me Konventën e Parisit. Ministria e Kulturës ka theksuar se modeli i administrimit të kësaj trashëgimie erdhi si nevojë për gjetjen e mënyrave të reja të administrimit, pasi sistemi aktual nuk ishte fleksibël. Rezulton se me një pranim të tillë duket sikur arsyeja e kësaj forme bëhet nga shteti dhe sërish deklaron paaftësinë e tij. Kjo mënyrë deklarimi nuk përkon me realitetin. Shteti shqiptar ka mundësinë për të garantuar vlerat kulturore të Butrintit… Në asnjë mënyrë autoriteti rregullator dhe kapaciteti buxhetor i një shteti nuk mund të deklarojë se nuk garanton dot rregullimin. Është e papranueshme që për një pasuri të tillë, nuk garantohet roli diktues dhe kontrollues. Kuvendi kishte për detyrë t’i parashtronte Këshillit të Ministrave shumë pyetje…”, tha ndër të tjera Dervishaj.
Arena e Lajmit