Ditën e sotme gjatë Komisionit të Ligjeve nuk kanë munguar as përplasjet dhe debatet me tone të larta dhe akuza të forta. Protagonist të një debati të tillë u bënë dhe deputeti i PD Gazment Bardhi dhe ministri i Drejtësisë Ulsi Manja.
Pas disa akuzave nga ministri, Bardhi nuk ka ngurruar t’i kthehet duke i thënë: Ti duhet të ishe në burg! Je më shumë sesa vrasës, je edhe hajdut! Fjalëve të Bardhit Manja i është përgjigjur duke thënë se “nuk i ka duart të lyera me gjak, dhe se nuk fut familjet shqiptare në konflikt”.
DEBATI:
Manja-Bardhit: I pyetët qytetarët e Bulqizës, të Malësi së Madhe etj. U ngritët në mëngjes… Jo se nuk ke pyetur asnjë. Ditën që ike nga zyra dyfishove tarfiat për qytetarët shqiptarë dhe që e kemi fituar në Gjykatë të Apelit. Ky është shqetësimi që ke ti për shqiptarët. Nuk dua përgjigje prej teje se e ka dhënë Gjykata e Apelit me vendim. Të ka rrëzuar udhëzimin e përbashkët për tarfiat që ke firmosur me Ministrin e Financave. Dhe vjen këtu dhe flet për shqetësimet e qytetarëve. Unë kam ardhur me shumë seriozitet për të diskutuar për hartën. Është një proces që është ndarë mes KLGJ dhe ministrit të Drejtësisë për buxhetimin dhe logjistikën e hartës.
Bardhi-Manjës: Ti duhet të ishe në burg
Manja: Unë s’jam vrasës
Bardhi: Je më shumë sesa vrasës, ti je vrasës dhe hajdut
Manja: Unë nuk i kam duar të lyera me gjak. As xhaketën se kam të lyer me gjak dhe nuk e fus familjet shqiptare në konflikt.
and then