Gjykata e Tiranës caktoi masën e sigurisë “arrest me burg” me afat 30 ditor për Elinta Garon, 29 vjeçaren e përfshirë në një aksident me pasojë vdekjen e një personi dhe plagosjen e dy të tjerëve.
Gjatë kësaj kohë do të kryhet ekspertiza auto-teknike e automjetit që ajo drejtonte dhe që u aksidentua në afërsi të Liqenit Artificial, në zonën e “Kodrës së Diellit”.
Garo është përlotur në sallë dhe nuk ka pranuar të ketë qenë duke përdorur celularin në momentin e aksidentit që i mori jetën 60-vjeçarit, Begzan Hyseni.
Policia pas ekspertizës zbuloi se shkaku i aksidentit ka qenë përdorimi i telefonit nga ana e Garos, ç’ka ka sjellë humbjen e drejtimit të kontrollit të automjetit, që më pas ka përfunduar në trotuar duke marrë përpara këmbësorët.
Mësohet se fillimisht u përplas 27- vjeçarja e identifikuar si Alkuna Telhaj, e cila morri për disa ditë trajtim mjekësor në spitalin e Traumës.
Por, në gjendje të traumatizuar, Elinta Garo pasi përplasi të renë e humbi kontrollin mbi mjetin duke përplasur edhe çiftin Bagzan dhe Valentina Hysa.
Valentina ndodhet jashtë rrezikut për jetën, por burri i saj fatkeqësisht ndërroi jetë në spital.
Ndërkohë, në spital u paraqit me dëmtime të lehta dhe një fëmijë me inicialet R.M. i cili ndodhet jashtë rrezikut për jetën.
and then